Garapen industriala

Hiribilduaren sorrera. Ego ibaiaren inguruan.

Areto honetan Ego ibaiaren inguruko lurraldeetako baliabide naturalek, batez ere egurrak eta urak, armagintzaren hiriko industriaren eta ekonomiaren garapenean zer-nolako garrantzia izan zuten jakiteko aukera izango du bisitariak.

Hiribilduaren sorrera. Ego ibaiaren inguruan.

Bizimodua, Merkataritza eta Gizartea

Bigarren guneak armagintzarekin zerikusirik ez zuten hainbat faktorek Aro Modernoan industria horren garapenean izan zuten garrantzira hurbiltzen gaitu.

Bizimodua, Merkataritza eta Gizartea

Gremioen sasoia. Gremioak, Maisuak eta Erregea

Maisu armagileei eta gremioen sasoiko industria-antolaketari eskainitako areto honetan euren lorpenak eta krisialdiak dira ikusgai. Maisu kanoigile baten lantegian sartuko gara eta armagile eibartarren bizitzako egun bat antzeztuko zaigu.

Gremioen sasoia. Gremioak, Maisuak eta Erregea

Gremioen sasoiaren amaiera. XIX. mendea.

XIX. mendeko Eibarko tailer bateko soinuek girotzen dute areto hau, eta Zamakolako makinak dira protagonista. Gune honetan tailerren garrantziaren berri ematen da, Eibarko industriaren eta bertako enpresa-antolaketa bereziaren benetako oinarria izan ziren aldetik.

Gremioen sasoiaren amaiera. XIX. mendea.

Eibar gailendu egiten da mende berrian sartzean. 1900-1936

Eibar XIX. mendearen hasieran hasi zen aldatzen, eta ordutik gertatutako aldaketak pantaila interaktibo batean ikusiko dira; abiapuntua Ramon Cortazarren 1903ko Zabalguneko Plana da. Eibar berria pixkana eratzen joan zen tailerrak, fabrika handi eta txikiak ugaritu ahala, eraikin berriekin, besteak beste, udaletxea edo merkatua, eta Ego ibaia estali izanaren ondorioz.

Eibar gailendu egiten da mende berrian sartzean. 1900-1936

Hazkundearen hasiera. 40 - 50 urteak.

Areto honetan 40ko eta 50eko hamarkadetara garamatzate irrati-soinuek, industria ez ezik, hiria bera ere goitik behera aldatu eta berregin zen garaira, alegia. Bionbo bat eta tiradera bat Gerra Zibilaren ostean Eibar nola berreraiki zen azaltzen duten irudiz betetzen dira.

Hazkundearen hasiera. 40 - 50 urteak.

60ko hamarkada zoriontsua.

60ko hamarkadak hiri modernoa, industriala erakusten digu: bizi-kalitatea jadanik iritsi da etxe eta lantokietara. Telebista-instalazio baten bidez bisitariak Eibar industri hiria filmaren irudiak ikusi ahal izango ditu, eta 60ko hamarkada zoriontsuan murgilduko gara bete-betean.

60ko hamarkada zoriontsua.

Aldaketa-garaia. 70eko hamarkada.

Hazkundearen ondorioz Eibar bete egin zen, eta fabrika askok hiritik alde egin behar izan zuten hazteko tokirik ez zutelako. Tokirik ezaren aurpegirik zailena ikus daiteke hemen, eta iristear dagoen ekonomiaren krisiaren atarian.

Aldaketa-garaia. 70eko hamarkada.

80ko hamarkadako krisialdi latza.

80ko hamarkada Eibarren historia industrialaren garairik zailenetako bat da. 70eko hamarkadan munduan hasi zen krisi ekonomikoa areagotu egiten da eta 90eko hamarkada ondo aurreratu arte luzatzen da. Bertan behera utzitako tailer eta fabriken argazki handiek murgiltzen dute bisitaria garai honetan.

80ko hamarkadako krisialdi latza.

Armagintzaren hiri berria.

Ikus-entzunezko instalazio handi batean Eibarren izandako aldaketak daude jasota.

Armagintzaren hiri berria.