80ko hamarkadako krisialdi latza.
80ko hamarkada Eibarren historia industrialaren garairik zailenetako bat da. 70eko hamarkadan munduan hasi zen krisi ekonomikoa areagotu egiten da eta 90eko hamarkada ondo aurreratu arte luzatzen da. Bertan behera utzitako tailer eta fabriken argazki handiek murgiltzen dute bisitaria garai honetan.
Ikus-entzunezko batean jaso da une hartako egoera: lantegiak itxita, armagintzari Itziarren enpresa handi bat sortuz irtenbidea emateko ahalegin zapuztua, azken batean, ekonomia eta gizartea pairatzen ari ziren une latza. Garai hartako protagonistek zuzenean kontatzen digute lehenengo pertsonan nolakoa izan zen garai ekonomiko eta sozial zail hura.