Logotipoa

Museoaren logotipoa egiteko oinarritzat hartu den elementua tornu-mahaia da. Erreminta honek lotura handia izan du gure industriarekin, izan ere, hasieratik bertatik egon baita armagintzari lotua eta harrez geroztik beste tailer mota guztietan ere bai.

Museoak historiaren eta gizakiaren arteko komunikazio-erreminta izan nahi du; tornu-mahaia ere horixe bera da: elkarrekin aritzeko erreminta, arma egiterakoan gizona armarekin lotzen duena (zura lantzeko arraspa, kaxa..), beste industria-prozesu edo artisau-lan batzuetan ere erabilia. Industria alorreko museo bat izanik -ez arma-museo hutsa-, pieza hau aukeratu da museoaren irudi korporatiboa eta logotipoa diseinatzeko abiapuntu gisa.