MUGIKORTASUNAREN EUROPAR ASTEA

2015/09/16
Mugikortasunaren Europar Asteak garraiobide alternatiboak gehiago eta autoa gutxiago erabiltzeak dituen onurei buruz hausnartzeko gonbitea luzatzen digu.
Card image cap

Mugikortasunaren Europar Asteak garraiobide alternatiboak gehiago eta autoa gutxiago erabiltzeak dituen onurei buruz hausnartzeko gonbitea luzatzen digu. Aurtengo leloak, «Aukeratu, aldatu, konbinatu zure mugikortasuna», erabiltzen ditugun mugitzeko erak hobeto pentsatzeak duen garrantzia azpimarratu nahi du, kasu bakoitzean garraiobide egokienak eta jasangarrienak erabiliz eta konbinatuz.

2015eko Mugikortasunaren Europar Astea dela eta, Eibarko Armagintzaren Museoak Orbea, BH, BIZIBIKE, Seg Way eta Elortza Ortopedia-ren laguntzarekin "Pedalei eraginez etorkizunerantz" erakusketa antolatu du irailaren 25etik urriaren 4ra.

Erakusketa honetan bisitariek bizikleten azken modeloak eta garraiobide autonomoak ezagutuko dituzte, hirian barrena era jasangarrian mugitzeko eta ingurugiroa zaintzeko.