Lehen Mundu Gerra 1914-1918

Lehen Mundu Gerra, Europako Gerra ere deitua, batez ere Europan gertatutako gatazka bat izan zen, eta sasoiko potentzia militar eta industrial handi guztiek  hartu zuten parte kontrako bi Aliantzatan banatuta: Aliantza Hirukoitza (Alemania, Austria-Hungaria, Otomandar Inperioa eta Bulgaria) eta Entente Hirukoitza (Erresuma Batua, Frantzia, Errusiar Inperioa, Italia, Japonia eta Estatu Batuak).

Guztira 70 milioi militar baino gehiago mobilizatu ziren, eta horietatik bederatzi milioitik gora hil ziren, gerra horretan parte hartu zutenen sofistikazio teknologiko eta industrialaren ondorioz. Horrek lubakien gerra deitutako geldialdi taktikoa ere ekarri zuen, eta baita gerrate krudela eragin ere.

Aliatuen garaipenarekin bukatu zen gerrak lau inperio handi desagertzea ekarri zuen: Alemaniakoa, Austro-Hungariakoa, Otomandarra eta Errusiarra. Horrela, herrialde berriak osatu ziren Europan eta Ekialde Ertainean, eta Nazioen Elkartea sortu zen (1919-06-28ko Versalleseko Ituna), bakerako eta nazioarteko harremanak berrantolatzeko oinarriak ezartzeko erakunde gisa.