Acha Herramienta SL 85. urteurrena

Museoen Nazioarteko Egunarekin bat eginez, Armagintzaren Museoak Acha Herramientas S.L 85. urteurrena erakusketa inauguratuko du. Aurten, museoak, “Museoen etorkizuna etengabe aldatzen den gizartean” erakusketaren bidez, gonbidatu egiten gaitu museoek duten zeregina berrirudikatzera, konektore, berritzaile eta kultura-nortasunaren zaindari diren aldetik. Erakusketa honek 1940an Esteban Achak sortutako enpresa txiki baten hastapenei eta bilakaerari buruz hitz egingo digu, XX. Mendean sortutako Eibarko beste enpresa askorekin bezala, izaera ekintzaile eta dinamikoaren adibide gisa.  

Sarrera doan.

Fundazioa eta Lehen urteak (1940-1960) 

1940an, Esteban Achak enpresa txiki bat sortu zuen eskuairak egiteko helburuarekin; ordura arte, bere osotasunean inportatzen zen produktua. Concha Garitaonandia emaztearekin bulegoan, ikuspegi berritzailearekin eta sektorearen ezagutza sakonarekin, Achak kalitate handiko produktu nazional bat garatzeko aukera ikusi zuen, atzerriko merkatuarekiko mendekotasuna murriztuz eta alternatiba lehiakor bat eskainiz. Hasierako erronkak gorabehera, ahaleginak eta dedikazioak enpresa pixkanaka haztea ahalbidetu zuten, merkatuan oinarri sendoa ezarrita. 50eko hamarkadaren hasieran, enpresa Eibarrera etorri zen.

Espezializazio doitasun handiko piezetan (1960-1964) /

1960an, ACHAk funtsezko urratsa eman zuen bere ibilbidean, doitasun-tresnetan espezializatu baitzen. Enpresaren produktu-gama nabarmen handitu zen, kalibreak, konpasak eta kalitate handiko erregelak ere egiten hasi baitziren. Espezializazio horrek merkatuan bereizteko aukera eman zion enpresari, eta doitasun-tresnen fabrikatzaile gisa zuen ospea sendotu zuen, hainbat industria-sektoretako profesionalentzako kalitate eta fidagarritasun estandar handiak bermatuz.

Nazioarteko Hedapena (1964-1982) 

1964tik aurrera, ACHAk nazioartean hedatzeko prozesuari ekin zion, eta bere produktuak Europako hainbat herrialdetara esportatzen hasi zen. Tresnen kalitateari eta zehaztasunari esker, atzerriko merkatuetan errekonozimendua handitzen joan zen, 1982an datu esanguratsua lortu zuen arte: produkzioaren % 80 esportaziora bideratzen zen. Hazkunde horri esker, ACHA erreferente izan zen sektorean, bai merkatu nazionalean, bai nazioartekoan.

Sendotze prozesua (1982-Gaur egun) 

Hazkunde eta hedapen hamarkaden ondoren, ACHA merkatuko enpresa liderretako bat izatea lortu zuen, eta gaur egun ere kalitate handiko tresnak eskaintzen jarraitzen du hainbat sektore profesionalentzat. Enpresak apustu sendoa egiten du bere produktibitatea etengabe hobetzeko eta I+Gn inbertitzeko. Ikuspegi horri esker, ACHAk aldaketa teknologikoetara egokitu ahal izan du eta egungo merkatuaren eskakizunak betetzen dituzten produktuak bermatu ditu.

Familia-enpresa 

Bete dituen 85 urte hauetan, ACHAk familia-enpresa gisa lan egiten jarraitu du. Bere ondorengoek, Gerardo Achak eta Miriam Achak, jarraitu egin dute Esteban Acha eta Concha Garitaonandiaren ikuspegia eta ondarea, enpresa modernizatzeko eta zabaltzeko lan nekaezina eginez. Gaur egun, hirugarren belaunaldiak kudeatzen du enpresa, betiere kalitatearen, konpromisoaren eta bikaintasunaren funtsezko balioak mantenduz.