Star pistola erdiautomatikoa, Star D modelokoa, beranaz landua

Jatorrizko herrialdea

Espainia

Pieza-mota

Pistola erdiautomatikoa

Fabrikatzailea

Star - Bonifacio Echeverría SA

Non egina

Eibar, Gipuzkoa

Modeloa

Star D modeloa, lehen aldaera, beranaz landua

Serie-zenbakia

26623

Kalibrea

9 x 17 mm laburra (perkusio zentrala)

Tiro egiteko sistema

Erdiautomatikoa.

Ekintza bakuna.

Funtzionamendu-sistema

Browning morroilotze klasikoa.

Katebegi bidezko kanoi baskulatzailea.

Kanoiaren itzulera labur bidezko irekiera

Kargatzeko modua

6 tiroko kargagailu ilarabakarrak.

Segurtagailu-mota

Tiragailua blokeatzeko segurtagailua.

Mailu kolpekariaren erdiko posizioaren segurtagailua.

Kanoiaren luzera

76 mm

Luzera osoa

140 mm

Pisua, deskargatuta

490 g

Kirten-azal mota

Nakarina zurizko kirten-azalak, beranaz landutako bi torlojuz eutsiak. “STAR” etxearen logotipo metalikoa dute.

Iruzkina

Star D modeloaren produkzioa 1922an hasi zen.

D modelo klasikoen beren bi aldaera fabrikatu ziren, baina “D” serieak, denborarekin, eboluzionatu egin zuen: DK, DKL eta DKI modeloak atera ziren, guztiak ere duraluminiozko armazoiarekin eta 9 laburra kalibrean lehen biak eta 7,65 mm-an azkena.

Modelo horiek asko esportatu ziren Estatu Batuetara; han, prestigioa lortu zuten defentsa pertsonaleko arma gisa.

Fitxa honetako pistola Star D modelo klasikoaren lehen aldaerari dagokio; 1922tik 1926ra bitartean fabrikatu zen. Star 1922 modeloaren bertsiorik zehatzena da, eskala txikian. Segurtagailu hegalduna du, eta mailu kolpekaria txori-buru motakoa da.

Fitxa honetan aurkeztutako luxuzko modeloa trebeki landuta dago beranaz egindako grabatu sakonez. Star etxeak egindako pistola berezien sail bati dagokio: 26620 zenbakitik 26625ra doaz, biak barne.

1932an fabrikatu zen (E1).

Eibarko Saiakuntza Banku Ofizialak 1931ko uztailaren 9tik 1939ra egindako markak ditu: Perdoien barnean fabrikatutako arma laburren proba eta horma-koroa errepublikar bat, egozteko leihoaren parean, “F.E.” letrak estanpatuak dituena.