Star pistola damaskinatua, 30M modeloa

Jatorrizko herrialdea

Espainia

Pieza-mota

Pistola erdiautomatikoa

Fabrikatzailea

Star - Bonifacio Echeverría SA

Non egina

Eibar, Gipuzkoa

Modeloa

Star 30M, damaskinatua

Serie-zenbakia

1713787

Kalibrea

9 x 19 mm Parabellum. (Perkusio zentrala)

Tiro egiteko sistema

Erdiautomatikoa.

Ekintza bikuna.

Funtzionamendu-sistema

Botoi-zulo erako espeka bidezko morroilotzea, kanoiaren itzulera laburrarekin.

Kargatzeko modua

Hiruzulokako kargagailu lerrobikoitzak, 15 tirokoak.

Segurtagailu-mota

Orratzaren eskuzko segurtagailua, bi eskuetarako, lerragidan kokatua: gorde eta blokeatu egiten du orratz kolpekaria. Erorikoetatik babesteko segurtagailu automatikoa, kolpe baten ondorioz ustekabean tiroa egitea galarazten duena.

Errekamarako kartutxoaren adierazlea, ikusten dena eta ukitzen dena.

Kanoiaren luzera

110 mm

Luzera osoa

205 mm

Pisua, deskargatuta

1.140 g

Kirten-azal mota

Metalezko kirten-azalak, erabat damaskinatuak, atzeko larako batez eutsiak.

Iruzkina

Star 30M pistola erdiautomatikoa Star 28DA modeloaren eboluzioa da.  Pistola honen lehen prototipoa 1981ko azaroan aurkeztu zen, 1.580.925 serie-zenbakiarekin.

Eduardo Iraegui Zamacolak diseinatu zuen. SIG P210 (Suitza) pistolaren eta CZ75 (Txekiar Errepublika) pistolaren ezaugarri onenak konbinatzen ditu.

Haren aurrekoarekin dituen aldeak hauek dira: lodiera handiagoa eta lerragidako arteken posizio hobetua; erauzgailu laburrago bat, errekamarako kartutxoaren adierazle gisa ere balio duena; bi eskuetarako segurtagailuaren formaren aldaketa, bere zorroan hobeto sartzeko; eta hobekuntzak altxan eta miran.

Arauzkoa izan zen Guardia Zibilean eta Ertzaintzan.

Fitxa honetako luxuzko modeloa, lore-motiboz, kiribilduraz eta hegazti-eszenaz damaskinatua, María Jesús Berasaluce eibartarrak egina da. Pistola hau 1984an fabrikatu zen.