Ehiza-ganibet perkusio-pistoladuna, Felipe Galbarsoro

Fabrikatzailea: Felipe Galbarsoro.

Non egina: Eibar, Gipuzkoa.

Pieza-mota: Aurrekargakoa, pistoi-giltzaduna.

Modeloa: Perkusio-pistola pistoiduna duen ehiza-ganibeta.

Ezaugarri fisikoak:

• Materiala eta/edo euskarria: Letoia.
• Pisua deskargatuta: 750 g.
• Neurriak:
• Kanoiaren luzera: 80 mm
• Luzera osoa: 520 mm
• Kalibrea: 11 mm
• Osagaiak: osagarririk gabe.

Deskribapena: 

• Funtzionamendu-sistema: Euskal Herrian egindako giltzen ezaugarriak dituen pistoi-giltza. Mailu kolpekariak animalia bat irudikatzen du; kasu honetan, lehoi bat. Bi posizioko mailu kolpekaria. Tiragailua tolesgarria da, ganibeta bere zorroan sartu ahal izateko.
• Tiro egiteko sistema:  aurrekarga eta pistoi-giltza.
• Kargatzeko modua: Eskuzkoa. Kanoiaren ahotik kargatzen da; kanoiak arima leuna eta helikoidala du, beroan bihurritua. Pistoia kanoiaren tximinian jartzen da.
• Segurtagailu-mota: Mailuaren lehenengo posizioa.
• Kulatarik gabe.
• Serie-zenbakia: “5” zenbaki bat du eskutokiaren muturrean.

Pieza hau aurrekargako perkusio-pistola pistoiduna duen ehiza-ganibeta da, Felipe Galbarsorok 1830ean fabrikatua. 1840 eta 1860 artean lan egin zuen Galbarsorok Eibarren.

Aho bakarreko xafla du, eta bizkarra ildaskatua dago. Zurezko eskutokia du, letoizko buruarekin. Esku-babesak mutur kiribilak ditu, letoizkoak.

Aurrekargako pistola bat du, mikelete motako pistoi-giltzaz hornitua; kanoia beroan bihurritua dago, eta tiragailu tolesgarria du. Testu hau du giltzako kaxan: “Galbarsoro en Eybar”.