Merwin & Hulbert errebolberraren kopia, Army modelokoa, lehen aldaera. Anitua y Charola

Jatorrizko herrialdea

Espainia

Pieza-mota

Armazoi itxiko errebolberra

Fabrikatzailea

Anitua y Charola fabrika

Non egina

Eibar, Gipuzkoa

Modeloa

Merwin & Hulbert errebolberraren kopia, Army modeloa, “lehen aldaera”.

Serie-zenbakia

3744

Kalibrea

11,5 mm / .44, 1884 modelo espainola (perkusio zentrala)

Tiro egiteko sistema

Ekintza bakuna. Kanpo-mailu kolpekaria.

Funtzionamendu-sistema

Ekintza bakuna. Danborra eskuinerantz biratzen da.

Kargatzeko modua

Eskuzkoa, 6 errekamarako danborrean.

Danborrera iristeko, kargatzeko, armazoiaren eskuinaldean dagoen tapa lerrakor bertikal bat irekitzen da.

Bala-zorroen erauzte automatikoa, Merwin & Hulbert.

Segurtagailu-mota

Segurtagailurik gabe

Kanoiaren luzera

115 mm

Luzera osoa

250 mm

Pisua, deskargatuta

1.050 g

Kirten-azalak

Gutapertxazkoak, karratutxodunak eta torloju batez eutsiak.

Osagarriak

Osagarririk gabe

Iruzkina

Merwin & Hulbert Army 1876, First Model errebolberraren kalitate handiko kopia. Ekintza bakuna, armazoi itxia eta kulata laua; krokagailu bat du eskutokiaren atzealdean, kulata txiki bat jartzeko.

Modelo honek, 1884 modeloko 44 espainola izeneko kalibrean, Artilleriako Batzorde Bereziaren gomendioa lortu zuen 1888ko apirilaren 2an, Espainiako armadako ofizialek maila pertsonalean erabiltzeko.

New Yorkeko Merwin & Hulbert Company etxea 1873an sortu zuten Joseph Merwin-ek eta Milan eta William Hulbert anaiek.

Beren izenarekin merkaturatu zuten Estatu Batuetako Norwich-eko (Connecticut) Hopkins & Allen Mfg. Co. etxeak fabrikatutako errebolber bat, ospe handia lortu zuena.

Errebolber-mota honen bereizgarria irekitze-sistema da: arkuaren aurrean dagoen kisketa horizontal bat desblokeatuz, kanoia 90° biratu daiteke eskuinerantz; hala, armazoitik bereizten da danborrarekin batera, eta, aldi berean, disparatutako balen zorroak kanporatzen ditu.

Bi mota fabrikatu ziren. Lehen modeloak ekintza bakunekoak ziren, armazoi irekian eta itxian. Bigarrenak ekintza bakunekoak eta bikunekoak ziren, armazoi itxian. Zenbait kalibretan fabrikatu ziren: “.44 Russian”-“.44 W.C.F”-“.44 M.H.”-“.38 M.H.” eta “32 M.H.”, “pocket” (sakelako) izeneko modeloetarako.