Pistola erdiautomatikoa, Star, A modelokoa, beranaz landua

Jatorrizko herrialdea

Espainia

Pieza-mota

Pistola erdiautomatikoa

Fabrikatzailea

Star - Bonifacio Echeverría SA

Non egina

Eibar, Gipuzkoa

Modeloa

Star A modelokoa, beranaz landua

Serie-zenbakia

1182340

Kalibrea

9 x 23 mm luzea. (Perkusio zentrala)

Tiro egiteko sistema

Erdiautomatikoa.

Ekintza bakuna.

Funtzionamendu-sistema

Browning morroilotze klasikoa.

Katebegi bidezko kanoi baskulatzailea.

Kanoiaren itzulera labur bidezko irekiera

Kargatzeko modua

8 tiroko kargagailu ilarabakarrak.

Segurtagailu-mota

Segurtagailu hegalduna; mailu kolpekaria eta lerragida blokeatzen ditu.

Mailu kolpekariaren erdiko posizioaren segurtagailua.

Kargagailuaren segurtagailua.

Kanoiaren luzera

127 mm

Luzera osoa

204 mm

Pisua, deskargatuta

1.000 g

Kirten-azal mota

Nakarina zurizko kirten-azalak, bi torlojuz eutsiak. Star etxearen logotipo urreztatua dute.

Iruzkina

Star AS modeloko pistola erdiautomatikoa, funtsean, Star A modeloko pistola bat da, kargagailuaren segurtagailua erantsi zaiona; horregatik du “AS” izena.

Armak ez du tiro egiten baldin eta kargagailua ondo ahokatuta ez badago.

Star AS modeloko lehen pistola 1968an fabrikatu zen.

Fitxa honetako pistolak A modeloaren laugarren aldaeraren ezaugarriak ditu; 1958an egindako aldaketak dira: kargagailua, zabalagoa oinarrian, eta armazoiaren oinarria, erabat laua modelo honetan.

A eta AS motetako modeloen pieza gehienak trukagarriak dira bi pistolen artean.

Eibarko Saiakuntza Banku Ofizialak egindako 3. taldeko arma laburren (pistola erdiautomatikoak) behin betiko probaren puntzoi estanpatua du kanoian eta arkuan: “P” letra da, artilleriako bonbeta baten barnean.

Fitxa honetako luxuzko arma, beranaz landua eta grabatu sakonez hornitua, 1971n fabrikatu zen (P1).

Horrelako pieza gehienak enkarguz egiten ziren.