Karabina, Hall sistemakoa, 1836 modelokoa

Jatorrizko herrialdea

Ameriketako Estatu Batuak

Pieza-mota

Atzekargako karabina, tiro bakunekoa

Fabrikatzailea

U.S. Arsenal

Non egina

Harpers Ferry, Virginia, (USA)

Modeloa

Hall sistemako karabina, 1836 modelokoa

Serie-zenbakia

Zenbakirik gabe

Kalibrea

.64

Tiro egiteko sistema

Atzekarga eta tiro bakuna

Funtzionamendu-sistema

Errekamarako bloke mugikorra baskulatzailea da, haren aurreko aldetik kargatzeko.

Kargatzeko modua

Eskuzkoa errekamaran, arkuaren parean aurrerago dagoen bigarren katu bat sakatzean. Hala, errekamara irekitzen da, eta aurretik atzera kargatzen da: paperezko bilgarria duen kartutxo batek dauzkan bolbora eta bala esferikoa sartu, eta atzamarraz sakatzen da.

Pistoia errekamarako tximinian jartzen da.

Segurtagailu-mota

Mailuaren lehenengo posizioa

Kanoiaren luzera

524 mm

Luzera osoa

1067 mm

Pisua, deskargatuta

3.600 g

Kulata eta kanabera

Intxaurrezkoa da, pieza bakarrekoa, eta ostiko metalikoa du.

Kanabera burdinazko bi brida bidez lotzen zaio kanoiari. Arkuaren buztana kulataren bukaeraraino iristen da, eta eraztun bat du uhala jartzeko.

Osagarriak

Baioneta lerrakorra kanaberan sartua, kanoiaren azpian.

Iruzkina

Hall 1836 modeloko karabina Ameriketako Estatu Batuetako armadak erabilitako armarik interesgarrienetakoa da. John Hancock Hallek (1781-1841) garatu eta patentatu zuen 1819an. Berak sistema bat asmatu zuen errekamara baskulatzaile bat erabiltzen duena errekamara aurrealdetik zuzenean kargatzeko (1811 patente-zenbakia).

Lehen modeloak txinparta-giltzadunak ziren; geroago, pistoi-giltzadunak fabrikatzen hasi ziren.

Karabina honek laster lotu zuen Estatu Batuetako armadaren estimazioa, zehaztasun handia izateaz gainera kargatzeko azkarragoa baitzen garai hartako aurrekargako ohiko errifleak baino –kanoiaren ahotik kargatu behar baitziren–. Ezaugarri bat badu, garai hartarako oso aurreratua: piezetako asko trukagarriak dira. Gainera, haren karga-sistemak aukera ematen zion tiratzaileari etzanda zegoela kargatzeko, etsaien sutik babestuta.

Arma honek “J. H. HALL. U.S. 1837” testua estanpatua du errekamaran.