Pistola mikelete-giltzaduna. José Aguirre eta Ignacio de Bustindui Aldazábal

Inbentario-zk: 02685

Egileak:

  • José de Aguirre. Eibar, Gipuzkoa. Armazaina.
  • José Ignacio de Bustindui Aldazábal. Soraluce, Gipuzkoa. Armazaina.

Pieza-mota: Pistola txinparta-giltzaduna.

Ezaugarri fisikoak:

  • Materiala eta/edo euskarria: Metala.
  • Materialaren eta/edo euskarriaren gaineko zehaztapenak: Altzairua eta letoia.
  • Pisua deskargatuta: 950 g.
  • Neurriak:
    • Kanoiaren luzera: 210 mm
    • Luzera osoa: 360 mm
    • Kalibrea: 16,9 mm - 17koa.
  • Osagaiak: osagarririk gabe.

Deskribapena: 

  • Funtzionamendu-sistema: Mikelete-giltza. Mailuaren malgukiak eta arrasteluaren malgukiak kontrako noranzkoan dute erpina. Bi malgukiak pletinaren aurrealdean daude, agerian, bai eta segurtatze- eta tiro-posizioak ere; haietan eragiten du mailuak. Mailuak eta suharri-torlojuak osatutako multzoa bi posiziokoa da, eta burdinazko almetxa du.
  • Tiro egiteko sistema:  aurrekarga eta txinparta-giltza.
  • Kargatzeko modua:  Bolbora eta jaurtigai esferikoa kanoi-ahotik kargatzen dira. Kanoiak arima leuna du, eta lehen herenean oktogonala da. Mailuaren eta suharri-torlojuaren multzoa bere lehenengo posiziora eramaten da atzerantz. Almetxakoa jartzen da. Arrastelua behera eramaten da almetxa estali arte.
  • Kaxa osoa.
  • Zurezko baketa eta zurezko eta hezurrezko galkagailu konikoa. 
  • Kulata zorroduna.    
  • Segurtagailu-mota: Segurtatze-posizioa agerian pletinan.
  • Serie-zenbakia: zenbakirik gabe.

Ohar historiko-kritikoak: Txinparta-pistola mikelete-giltzaduna. Izena mikelete-miliziatik hartu zuen. Mikeleteak oste arinak ziren; egoera politiko edo sozialagatik behar zenean eratzen ziren, eta haien sorrerak eragindako arrazoia konpondutzat jotzen zenean desegiten.Ez ziren armada erregularraren parte, aldi baterakoak baizik.

Inskripzio-mota:  Fitxa honetako modeloak bi fabrikatzaile-marka ditu: 

  • "JPH-A-GUI-RRE" fabrikazio-marka, Eibarren 1800 eta 1821 bitartean lan egin zuen José de Aguirre maisu armaginarena. Urrez estanpatua dago kanoian, zilarrezko eta urrezko zenbait lore apaingarrirekin batera.

  • Yº-BUS-TIN-DUI, José Ignacio de Bustindui Soraluzeko Errege Fabriketako maisu aztertzailearen fabrikazio-marka, arkuan estanpatua.