ALFA 40 modeloa, zur-altzarian ahokatuta

Bobina zentrala du, espekak mugitutako hari-tiratzekoa, eta ehun-garraiatzaile itzulgarria atzera eta aurrera josteko, eta ezkutua brodatzeko eta pasaratzeko. Motor elektrikoduna edo pedalduna. Etxerako, jostunentzako edo jostungintzako industria arinerako. Eibarren ekoiztua (1945-1958)

1920ko urriaren 28an Sociedad Anónima Cooperativa de Producción de Armas de Fuego ALFA eratu zen, Espainiako estatuko lehen enpresa kooperatiboa. Bertan lan egiten zutenak akziodunak eta ekoizpen-baliabideen jabeak ere baziren. Sektorearen krisiaren ondorioz, handik gutxira Sociedad Anónima Cooperativa ALFA izena hartu zuten eta josteko makinak fabrikatzera bideratu zuten ekoizpena.

Alfaren lehen modeloa 260 pezetan saltzen zen, hau da, lehiakide zuzenena zen Singer estatubatuarra baino 80 pezeta merkeago. 1932rako behin betiko utzi zuten armagintza; urte horretan josteko 12.000 makina baino gehiago atera ziren Eibarko fabrikatik.

Gaur egun, sektore metalurgikoan aritzen diren 14 enpresek osatzen dute Grupo Alfa. Hala ere, Eibarko industriaren ezaugarri den josteko makinak ekoizten dituzte oraindik.