Artilleriako mosketoia, birmoldaketakoa, 1858 modelokoa

Jatorrizko herrialdea

Espainia

Pieza-mota

Birmoldaketako mosketoia, txinparta-giltza bat pistoi-giltza bihurtzen duena.

Fabrikatzailea

Ezezaguna

Non egina

Ezezaguna

Modeloa

1858, artilleriarako

Serie-zenbakia

Zenbakirik gabe

Kalibrea

18,6 mm

Tiro egiteko sistema

Aurrekarga eta pistoi-giltza

Funtzionamendu-sistema

1858 modeloko giltza, Artilleriako Zuzendaritza Nagusiak 1862-02-19an onartua.

Ez du pistoi-babesik.

Bi posizioko mailua.

Kargatzeko modua

Eskuzkoa, kanoiaren ahotik kargatzen da; kanoiak arima leuna du, eta errekamaran oktogonala da.

Pistoia kanoiaren tximinian jartzen da.

Segurtagailu-mota

Mailuaren lehenengo posizioa

Kanoiaren luzera

596 mm

Luzera osoa

980 mm

Pisua, deskargatuta

3.600 g

Kulata eta kanabera

Intxaurrezkoa da, eta ostiko metalikoa du.

Kanabera letoizko bi bridaz eta torloju batez lotzen zaio kanoiari; bridetako batek “tronpeta-ahoaren” forma du, eta mira du bertan.

Baketa metaliko bat eta beraren perretxiko-formako galkagailu konikoa gordetzeko baketa-etxea du kanaberaren azpian.

Osagarriak

Osagarririk gabe

Iruzkina

Birmoldaketako mosketoia, txinparta-giltza duen arma bat pistoi-giltza duen arma bihurtzen duena.

Ez du fabrika-markarik, baina “B” letra du giltzan, eta moldez estanpatutako arrastoren bat ere bai, baita arku-euskarrian eta kontrapletinan ere.

Litekeena da Filipe V.a erregeak (1700-1746) 1721ean ezarritako marka izatea, errege arma-fabriken jatorria bereiztea helburu zuena: “B” letra zegokion Euskal Herriko armei (“B” – Bizkaia).

“Birmoldaketako” arma denez, marka horiek artilleriarako jatorrizko mosketoi txinparta-giltzadunari dagozkio, 1843 modelokoari.